burung biti batiti dibatang
batang buluh kuning manggading
larang banar batukar gabang
gabang ditukar gasan si ading
habang-habang si tas purun
tas purun gasan manyimpan wadi
kayapa hidup handak rukun
lawan laki' pina wani
sanja-sanja makan haliling
makannya di higa tawing
baisi pacar bibirnya sumbing
inya sarik tatap ae takurihing
tulak pacaran ka gunung kayangan
gunung kayangan di kota Pleihari
datang kawan ma'ajak bapantunan
ujarnya gasan mahibur hati
tulak ka sumur ma'ambil banyu
gasan wudhu waktu asar
lakian datang handak marayu
jarnya datang handak malamar
siang bolong makan kanas
kanas dimakan rami-rami
be'isi bini bujuran bungas
tapi wani wan lalaki
siput rawa disambat haliling
gasan lauk urang banjar
baisi mata pina juling
malihat bebinian pina langkar
nukar HP tulak ka Roxi
dibawa bajalanan ka Monas
managur binian babadan sexi
tapi sayang, kada waras
tulak ka tungging tetamu kakawanan
dibawai bejalan saputaran
ditangah jalan tetamu bebinian
sakali ditagur dapatnya babencongan
tulak ka pasar nukar sapat
sapat dimasak balah sambilan
bapadah jar tulak bajumahat
sakalinya tulak bapacaran
Tidak ada komentar:
Posting Komentar